29/5/17

Viaxe Fin de Curso de 5º e 6º de Primaria

O alumnada de 5º e 6º curso, xunto coa profesora Virginia e o profesor Paco, fixeron a viaxe de fin de curso os días 24, 25 e 26 de maio. Foi unha excursión moi ben planificada na que poideron visitar moitos lugares de interese e onde o pasamos estupendamente.


22/5/17

Vídeo VOZ NATURA

Como xa informamos anteriormente, estamos a participar no concurso de vídeos medioambientais que convoca VOZ NATURA, e que se leva a cabo a través do facebook.
Facilitámosvos aquí o enlace por si queredes votar e compartir.


Este é o vídeo:
A base do mesmo é unha canción que vai contando todo o que se fixo no noso colexio para mellorar o Medio Ambiente e as actividades nas que traballamos para educar ao noso alumnado.
Recompilamos fotos antigas para amosar como era o entorno ao rematar as obras do colexio no ano 1986 e fotos actuais. Tamén hai fotos  do alumnado que foi pasando polo colexio e vídeos do alumnado actual: Infantil e Primaria.
  • A letra da canción foi escrita pola mestra Cristina Freán Lamela.
  • A música e a base instrumental creouna o exalumno Pedro Rodríguez Pérez.
  • A coreografía ensaiouna a mestra de Educación física Eva Martínez.
  • E todo o alumnado aprendeu a canción na aula de Música coa mestra Marta Pérez.

21/5/17

Máis traballos para as Letras Galegas

 "A PALABRA TEN VIDA"
Este é o título dunha fermosa canción de Brinca Vai que recolle os nomes de grandes autores da literatura galega, por elo pareceunos moi apropiada para empregala neste vídeo homenaxe á nosa lingua. 
Dende o Departamento de Normalización Lingüística propúxose esta actividade na que recompilamos palabras do noso idioma que pola súa sonoridade, o seu significado ou calquera outro motivo nos gustan especialmente. 
Moitas grazas pola vosa colaboración.

19/5/17

Contacontos na Bibliosoños

  • Venres, 19 de maio. Proxecto Interxeracional Fundación ABANCA
    • Ás 10:00 horas, na Biblioteca do Centro, para o alumnado de Infantil e 1º curso.
    • Narración do conto A GALIÑA AZUL, con apoio de láminas, a cargo dos voluntarios  Espazos+ 60 de Viveiro.
Moitas grazas á Fundación ABANCA e aos voluntarios que participaron na narración do conto.


18/5/17

Hoxe celebramos a Festa do Maio e das Letras Galegas

Durante a mañá do xoves, 18 de maio, fixemos moitas actividades para celebrar estas festas tan importantes para nós:
  • Exposición de instrumentos e traxes tradicionais galegos
  • Pasarrúas dende a Praza do Chao ata o colexio dos grupos invitados (Grupo de Gaitas "Non cho digo" e os grupos de Pandereteiras "Os do 21" e "Valdeflores") 
  • Dentro do recinto do colexio  actuación dos grupos invitados.
  • Cantamos a canción do MAIO.
  • A partir das 12:30 horas, no Salón de Actos:
Semblanza do autor, a cargo do alumnado de 5º curso
Dramatización A GALIÑA AZUL, a cargo do alumnado de 6º curso

Cantamos o HIMNO GALEGO

 NOS SEGUINTES VÍDEOS PODEMOS VER UN RESUMO

 


15/5/17

O CEIP Antonio Pedrosa Latas, premio ao mellor blogue VOZ NATURA



http://blogs.voznatura.es/ceipapedrosa/
O caderno dixital do CEIP Antonio Pedrosa Latas, colexio incluído en Naturacción (subprograma de Voz Natura patrocinado pola Fundación Alcoa e en colaboración coa Consellería de Educación), é a bitácora gañadora do premio a mellor blogue do programa Voz Natura no seu 20º aniversario. O xurado seleccionouno como exemplo de como un caderno dixital pode recompilar todas as actividades de Educación Ambiental desenvolvidas nun centro, integrando as distintas áreas curriculares, departamentos e accións que involucran a toda a comunidade escolar.

Para toda a comunidade educativa do noso colexio é unha noticia moi importante e que agradecemos ao programa Voz Natura.

O blogue comeza a súa andaina no mes de maio de 2009, despois de recibir un curso de formación a través do programa Voz Natura, e vimos que era un medio moi interesante para poder amosar todo o traballo e actividades que levamos a cabo relacionadas coa Educación Ambiental.

Ao longo de moitos anos o profesorado, alumnado, persoal non decente, ANPA e Institucións traballamos para conseguir un entorno respetuoso co Medio Ambiente e agradable para podelo disfrutar día a día. Por iso este premio vai dirixido a toda a Comunidade Educativa e será un aliciente para seguir traballando.

13/5/17

Díptico sobre Carlos Casares

CLICA NA IMAXE PARA VER TODAS AS NOSAS ACTIVIDADES NAS LETRAS GALEGAS
https://sites.google.com/site/carloscasares2017letrasgalegas/as-nosas-actividades

12/5/17

Todo sobre o Proxecto da MICRORREDE PLAMBE A MARIÑA

Nesta páxina podemos ver todo o relacionado co proxecto da Microrrede PLAMBE A AMARIÑA deste curso:
"A MARIÑA CON MOITA ARTE"
Clina na imaxe 
https://sites.google.com/site/plamblaamarina/a-literatura-nas-artes-da-marina

10/5/17

Excursión de 3º e 4º curso

O martes, 9 de maio, o alumnado de 3º e 4º curso, xuntos coas súas titoras Rosa e Xulia, viaxaron ata Narón para visitar o Parque Temático "ALDEA NOVA" onde participaron en diferentes talleres:
  • Astronomía: Proxección o planetario.
  • Ciencia divertida: Experimentos de física e química.
  • Achegamento á bioloxía: Traballos con microscopios, terrario...
  • Cultura Castrexa con xogos de rol.
No seguinte vídeo podemos ver as fotos da súa viaxe.

9/5/17

Participamos no Correlingua 2017

http://www.lavozdegalicia.es/album/amarina/2017/05/09/correlingua/01101494329574646663988.htm
CLICA NA IMAXE PARA VER AS FOTOS PUBLICADAS NA VOZ DE GALICA

NOTICIA  DO XORNAL "LA VOZ DE GALICIA"
O tempo primaveral axudou a que o Correlingua batera este ano récord de participación na Mariña, contando nesta edición con máis de dous mil alumnos da comarca paso a paso ou correndo en Viveiro baixo o lema "En galego, sen cancelas". Moita xente nova arroupando o seu idioma e dándolle máis vida en tempos difíciles nos que as estatísticas constatan a perda de galegofalantes. De aí a importancia dunha cita como o Correlingua, baixo a organización de CIG-Ensino, a Asociación Socio-Pedagóxica Galega e a Mesa pola Normalización Lingüística, coa colaboración na cita mariñá do Concello de Viveiro.

Nenos e adolescentes, xeracións de diferentes idades, compartiron espazo na cidade do Landro nunha mañá do máis reivindicativa, os máis pequenos dando un paseo dende a zona do pavillón deportivo ata a Praza Maior onde os agardaba Cé Orquestra Pantasma para entretelos e facerlles bailar e os máis grandes correndo. A festa final contou coa coñecida actriz galega Isabel Risco de presentadora do evento que tamén deu a coñecer máis talentos, como as animacións musicais do IES de Foz. Un dos grupos gañadores do concurso Cantalingua e Alberto Sobrado puxeron a nota musical da xornada, na que a lectura do manifesto correu a cargo de alumnos do CEP Lois Tobío de Viveiro.

Participantes na carreira do CORRELINGUA, quedando gañadores en 1º e 2º lugar da súa categoría:
David Rego e Lucas Fanego.

8/5/17

Xa estamos no MES DAS LETRAS GALEGAS

Moitas e variadas actividades temos programadas para celebrar o mes das Letras Galegas, todos elas podemos seguilas nesta páxina especial que atoparedes na marxe dereita:  LETRAS GALEGAS

https://sites.google.com/site/carloscasares2017letrasgalegas/home




Día da Inauguración "A Mariña con moita arte"

Na tarde do luns, 8 de maio, fixemos a inauguración da Exposición colectiva da Microrrede PLAMBE A MARIÑA.
As coordinadoras do CEIP Vista Alegre de Burela e o IES María Sarmiento de Viveiro; Nazaret e Susana, foron as encargadas da lectura inaugural e exercendo de Mestras de Ceremoria.
A continuación un coro formado polo alumnado de Infantil e 1º e 2º curso dos centros EEI San Roque de Viveiro, CEIP Pedrosa Latas de Celeiro e CEIP de Alfoz cantaron unha Regueifa a Maruja Mallo (letra de Rocío Fernández) e a cantiga popular Catro vellos mariñeiros.
Posteriormente os asistentes poideron contemplar os traballos expostos nas Salas de Exposicións da Biblioteca e do Concello.

Noticias na Prensa:

LA VOZ DE GALICIA

EL PROGRESO

6/5/17

Montaxe da Exposición "A Mariña con Moita Arte"

Na tarde do venres, 5 de maio, os traballos das Bibliotecas Escolares dos Centros da Mariña formaron parte dunha exposición conxunta que se instalou na Sala de Usos Múltiples e na Biblioteca do Concello de Viveiro.
As coordinadoras e equipos docentes montaron os seus  respectivos traballos e todos xuntos formaron un gran  TERRITORIO DAS ARTES.


5/5/17

Charla informativa sobre riscos na internet e redes sociais

O alumnado de 5º curso de primaria tivo a oportunidade de contar coa visita do delegado de Participación Ciudadana da Comisaría de Policía de Viveiro, Pablo Rodríguez González, ofrecendo unha charla sobre os riscos asociados ás novas tecnoloxías e ao uso de redes sociais da internet, dentro do Plan Director.
O ciberacoso «é a ferramenta grupal máis poderosa para executar o acoso escolar e maniféstase con mensaxes insultantes, humillantes e crueis, con ameazas, suplantando a identidade doutros compañeiros para danar a súa reputación ou amizades, revelando secretos, informacións ou fotos comprometidas ou privadas, ou excluíndo intencionadamente a compañeiros de grupos «online».

4/5/17

Función de Teatro no Pastor Díaz

O alumnado de 6º de Infantil, 1º e 2º de Primaria acudiron ao Teatro Pastor Díaz de Viveiro para asistir á función "A NENA QUE QUERÍA NAVEGAR" de Redrum Produccións.

Guillermo Carbajo e Laura Míguez 
son os protagonistas

Unha comedia  na que a través de técnicas de reforzo positivo e para mellorar a autoestima dos nenos e nenas preséntase unha historia contra o acoso escolar.
A protagonista é unha nena que, farta de ser o centro das mofas dos seus compañeiros, vaise da escola coa intención de non volver. 
Na súa aventura atópase co Xeadeiro, un ser máxico e vital que a base de contos, xogos e cancións lle devolve a autoestima.


3/5/17

Microrrede PLAMBE A Mariña

Xa temos case rematada a Exposición do Proxecto deste curso: A MARIÑA CON MOITA ARTE.
Os traballos propostos para facer en familia consistiron:
  • Elaboración dun cadro sobre unha paisaxe do Porto de Celeiro, en formato quebracabezas. Cada nena e neno levou un anaco  que pintou con témperas, e entre todos e todas montamos este gran cadro que nos IMPRESIONOU MOITO.



  • Como traballo literario propuxemos crear ou reproducir algún texto e que decoraron libremente.







  • Queremos felicitar e agradecer a participación das familias, dado que sin elas esta actividade non sería posible. Tamén damos as grazas ao persoal non docente do colexio pola súa colaboración para que o resultado final fose o que podemos ver no seguinte vídeo.

28/4/17

"Aquel Celeiro", visita de Laureano Míguez a aula de 5º curso



O xoves, 27 de abril,  visitounos un antigo mariñeiro, Laureano Míguez, que nos contou como era a vida do Celeiro de antes, dos anos 30 ata a actualidade.
Non podíamos imaxinar que con nove anos xa comezaban a faenar no mar: eran os chamados nenos boteiros que axudaban aos mariñeiros cando chegaban coas embarcacións a terra, vixiando da lancha, levándolles auga abordo, lavando nos botes…
Daquela case non ían á escola debido a que tiñan que atender a estes traballos, ademais de axudar á familia nos labores do campo ou ir por leña ao monte.
Con apoio dunha serie de fotografías, Laureano foi contándonos os cambios na paisaxe mareira de Celeiro; era máis natural e preciosa antes. Tamén vimos como foron modernizándose as embarcacións, e falounos da época do chicharrón, que o salgaban en tinas como os porcos e logo comíanno todo o ano, incluso de almorzo.
Os alumnos e alumnas tiñan moi ben preparado o tema e fixéronlle a Laureano moitas preguntas interesantes.



Doazón de libros

A alumna de 4º curso, Ana Fraga, acaba de doar dous libros para a Biblioteca:
  • Pasajeros al tren
  • As once damas

25/4/17

Viaxe Cultural

O alumnado de 5º e 6º curso, xunto cos seus titores Paco e Antonio, viaxaron ata o CENIMA en Foz
onde poideron ver a Exposición "SER VISIBLES" (Escoitar imaxes, retratar palabras), dentro da Semana das Artes Plásticas da Mariña. Foron atendidos pola artista Cristina Basanta e poideron observar as obras de 11 mulleres: Cristina Basanta, Lucía Catuxo, Zili Katova, Carmen Llonín, Renata Otero, Adri Pardo, Alicia Puchades, Pilar Rei, Eva Rivas, Laly Santos e Lucía Vila.



A continuación seguiron viaxe ata Alfoz onde visitaron a Torre do Mariscal Pardo de Cela

24/4/17

Para conmemorar o DÍA DO LIBRO E DEREITOS DE AUTOR

SESIÓN DE ANIMACIÓN Á LECTURA CON SERVANDO BARREIRO

O Bardo Abelardo rende homenaxe a Carlos Casares no ano en que se lle adedica o día das Letras Galegas 2017 con un espectáculo no que vai debullando unha serie de contos con referencias expresas ás obras infantis máis coñecidas como “AS LARANXAS MAIS LARANXAS DE TÓDALAS LARANXAS” ou “A GALIÑA AZUL”.
Así escoitamos a historia de Leoncio, o inventor da bomba da Felicidade e outras historias máis, adaptadas para podelas contar e cantar acompañado da súa concertina. 

18/4/17

Dia do Libro 2017


Coma en anos anteriores, a Consellería de Cultura, Educación e Ordenación Universitaria edita, co gallo do Día Mundial do Libro, un pequeno marcapáxinas cun texto orixinal dun autor ou autora galega. Nesta ocasión é Rosalía Fernández Rial a poeta que agasalla co seu texto sobre o libro e a lectura ás Bibliotecas Escolares de Galicia.





A orixe do Día do Libro baséase na  conmemoración do falecemento de William Shakespeare, Miguel de Cervantes Saavedra e o Inca Garcilaso de la Vega en 1616. Esta celebración foi creada con varios motivos: combater o analfabetismo, fomentar a cultura, render  homenaxe universal aos libros e autores, e simplemente alentar a todas as persoas a gozar do pracer da lectura.
Tanto a celebración como a súa data foron instituidas durante a Conferencia Xeral da UNESCO de 1995. A iniciativa para celebrar este día débese á Unión Internacional de Editores (asociación que representa a industria editorial a nivel internacional desde a súa fundación en 1896). Actualmente esta celebración é acollida por máis de 100 países ao redor do mundo.


17/4/17

Plan LÍA 2016/2020 de Bibliotecas Escolares

http://www.edu.xunta.es/biblioteca/blog/?q=node/965
O Plan LÍA 2016/2020 de Bibliotecas Escolares é a folla de ruta  da que se dotou a Consellería de Cultura, Educación e Ordenación Universitaria para continuar o seu traballo  a prol das bibliotecas escolares e o fomento da lectura nos vindeiros anos. 
Lectura, Información e Aprendizaxe son os ámbitos de actuación da biblioteca escolar e dan nome a un plan de actuación estruturado en:
  • Obxectivos xerais do Plan LÍA de bibliotecas escolares
  • Unha ducia de desafíos, ou retos que cómpre abordar
  • Liñas de acción medidas concretas
Aínda que xa se vén traballando con esta nova folla de ruta, desde a a administración educativa galega quíxose formalizar e presentar este PLAN LÍA 2016/2020  de bibliotecas escolares nunha biblioteca en pleno funcionamento. Así hoxe, e con este motivo, o Presidente da Xunta de Galicia e o Consellerío de Cultura, Educación e Ordenación Universitaria visitaron a biblioteca do IES Maruxa Mallo, de Ordes, e mantiveron un encontro co profesorado do centro, cunha visita incluída ao alumnado que neses momentos traballaba na materia "Investigación e Tratamento da Información", intimamente ligada aos obxectivos que se perseguen no desafío número 5, "as competencias ALFIN/AMI", e que conciben a biblioteca escolar, como instrumento imprescindible para a adquisición de competencias no uso, tratamento e produción de información. 

4/4/17

Libros sobre Maruja Mallo

Mercamos para a Bibliosoños dous libros sobre a pintora viveirense, Maruja Mallo.
Na seguinte páxina atopamos máis información.

https://sites.google.com/site/marujamallopedrosalatas/libros-sobre-maruja-mallo

Doazón de libros para a BIBLIOSOÑOS

A familia do noso exalumno, XEXU, acaba de facernos unha doazón de libros e DVD,s da colección 








  • Érase Unha Vez O Home é unha serie de animación didáctica que fai un percorrido pola historia e a evolución do ser humano desde o nacemento da terra e o paleolítico ata os albores do século XX. Cada episodio percorre unha época historica para que de maneira amena os pequenos da casa poidan aprender a historia da humanidade.

3/4/17

Xa puxemos en marcha a convocatoria do PLAMBE A MARIÑA

Este curso as Bibliotecas Escolares de Galicia teñen como tema común de traballo AS ARTES, polo que a MICRORREDE A MARIÑA traballará no mesmo tema, dando a cada centro a opción de escoller a súa temática.
No noso colexio imos a traballar sobre o IMPRESIONISMO e a figura de MARUJA MALLO.
Así elaboramos un proxecto para levar a cabo durante o curso como un Proxecto Documental Integrado e que culminará coa actividade para presentar á exposición colectiva da MICRORREDE, no mes de maio.

MÁIS INFORMACIÓN NESTA PÁXINA
https://sites.google.com/site/plamblaamarina/a-literatura-nas-artes-da-marina
 
CARTA PARA AS FAMILIAS COA PROPOSTA DE TRABALLO


Libros novos na Bibliosoños

Con motivo da celebración do Día do Libros Infantil e Xuvenil a Bibliosoños recibe novos libros.
Primeiramente podedes ollalos no rincón expositor e despois formarán parte dos fondos da Biblioteca. Unha vez alí xa os poderedes levar ás vosas casas.  Disfrutade da lectura!!!



2/4/17

Día Internacional do Libro Infantil e Xuvenil

O IBBY  (International Board on Books for Young People) promove desde 1967 a celebración do Día Internacional do Libro Infantil o 2 de abril, para homenaxear e conmemorar o día do nacemento de Hans Christian Andersen.

No noso colexio para conmemorar este día levamos a cabo un Apadriñamento Lector a cargo do alumnado de 3º curso.
O conto tradicional "The Gingerbread Man" foi preparado durante a Hora de Ler pola profesora de inglés Rosa e o auxiliar de conversa Saúl.

Todo o alumnado de Infantil e de Primaria pasou pola Biblioteca para escoitar e ver a dramatización do conto.
Pasámolo estupendamente!!!



1/4/17

Dís das Artes Galegas

MARUJA MALLO protagoniza o
DÍA DAS ARTES GALEGAS
A Reas Academia Galega de Belas Artes
instituíu o 1 de abril como
DÍA DAS ARTES GALEGAS
MARUJA MALLO EN VIVEIRO
(La Voz de Galicia)
(La Voz de Galicia)
(El Progreso) 
Para recoller a información sobre a pintora e a súa obra e tamén os traballos realizados o colexio elaboramos unha páxina especial que vos invitamos a visitas.

https://sites.google.com/site/marujamallopedrosalatas/home


30/3/17

Día da árbore e da auga


Hoxe celebramos o Día da Árbore que, por mor da choiva e o mal tempo, aplazamos dende a semana pasada.
  • O alumnado de infantil e 1º e 2º curso de primaria plantaron lavanda arredor do parque infantil.
  • 3º curso repuxeron varias roseiras que secaron durante o inverno.
  • 4º curso limparon e recuperaron as plantas das macetas do parque infantil.
  • 5º e 6º curso plantaron o ameneiro que nos enviaron dende a Deputación de Lugo.
Ademais recitamos poemas e tamén estudamos as diferentes árbores e plantas que temos no noso Medio Ambiente.
Foi un día estupendo e aprendemos moitas cousas!!!
No seguinte vídeo podemos ver un resumo da actividade



29/3/17

Traballos sobre as árbores

Durante esta semana os nenos e nenas estiveron realizando traballos sobre as árbores. Nas seguintes presentacións podemos ver algúns deles.
  • O ameneiro, de 5º de primaria
  • Os pinos, de 2º de primaria 
  • A lavanda, de 2º de primaria 
  • As plantas, de 1º de primaria









23/3/17

MARES DE CULTURA OS NENOS E O MAR

O Grupo de Acción Local do Sector Pesqueiro (GALP) A Mariña-Ortegal, volve un ano máis a promover a campaña escolar

“MARES DE CULTURA OS NENOS E O MAR”

Nesta edición, a campaña pretende ser un referente de divulgación, consolidándose como complemento educativo dentro do programa de actividades escolares dos centros participantes. Como nas anteriores edicións, o principal obxectivo é achegar ás novas xeracións, escolares de primaria e secundaria, ó entorno litoral de A Mariña-Ortegal, para descubrir in-situ a cultura mariñeira, os recursos naturais e as artes e tradicións pesqueiras relacionadas coa pesca artesanal. Persegue ademáis, provocar na poboación escolar un cambio de perspectiva cara o respeto do medio mariño e uns hábitos de consumo responsable dos produtos do mar. Ao mesmo tempo, a través desta campaña, póñense en valor as actividades económicas do sector do mar dunha forma sustentable.

O alumnado de 3º e 4º de primaria visitan a lonxa e o heliporto de Celeiro o  xoves 23 de marzo. 

22/3/17

Preparando o Día da Árbore e da Auga


https://sites.google.com/site/educacionparaomedioambiente/

Nesta páxina podemos seguir todas as actividades que realizamos no colexio en torno ás diferentes celebracións: Día da Árbore, da Auga, Medioambiente. Tamén sobre o SEPRONA  e SOGAMA.
Recomendamos que lle fagades visitas para lembrar e aprender moitas cousas relacionadas co MEDIOAMBIENTE.


VI Semana Escolar da Árbore e a Auga
Esta actividade é unha iniciativa da Deputación Provincial de Lugo
Acabamos de recibir os exemplares que nos envían dende a Deputación:
  •  Eva, o trasno e o ameneiro, para Infantil
  • Salven os ameneiros, para Primaria
 Ademáis dun pé de ameneiro para plantar o venres, 24 de marzo.

21/3/17

No Día Mundial da Poesía











No Día Mundail da Poesía queremos homenaxear a todos os poetas.
Fixemos varias actividades para fomentar a lectura de poesía entre o noso alumnado:

  • Na hora de ler os libros de poesía foron os protagonistas
  • O alumnado de 1º curso traballaron os poemas de Xoán Neira nos libros: Xiz de cor, Farrapos de nube e No cubil da lúa. 
  • Tamén traballaron os poemas de Xosé Neira Vilas co libro: O xardín de Irene.

Exposición de libros de POESÍA



Centenario de Gloria Fuertes

http://www.gloriafuertes.org/
Hoxe, día 21 de marzo, Día Mundial da Poesía, dende a Biblioteca queremos lembrar a unha gran escritora e poetisa

Páxina da Fundación 
onde atoparemos moita información.

Infravalorada polos que descoñecen o alcance da súa obra poética e tamén polos que non souberon calibrar a profundidade da súa influencia en polo menos dúas xeracións de nenos, hoxe adultos que creceron baixo o feitizo da súa imaxinación poética, Gloria Fortes rexorde no centenario do seu nacemento co aprecio literario que sempre mereceu.

AUTOBIOGRAFÍA:
Gloria Fuertes nació en Madrid
a los dos días de edad,
pues fue muy laborioso el parto de mi madre
que si se descuida muere por vivirme.
A los tres años ya sabía leer
y a los seis ya sabía mis labores.
Yo era buena y delgada,
alta y algo enferma.
A los nueve años me pilló un carro
y a los catorce me pilló la guerra;
A los quince se murió mi madre, se fue cuando más falta me hacía.
Aprendí a regatear en las tiendas
y a ir a los pueblos por zanahorias.
Por entonces empecé con los amores,
-no digo nombres-,
gracias a eso, pude sobrellevar
mi juventud de barrio.
Quise ir a la guerra, para pararla,
pero me detuvieron a mitad del camino.
Luego me salió una oficina,
donde trabajo como si fuera tonta,
-pero Dios y el botones saben que no lo soy-.
Escribo por las noches
y voy al campo mucho.
Todos los míos han muerto hace años
y estoy más sola que yo misma.
He publicado versos en todos los calendarios,
escribo en un periódico de niños,
y quiero comprarme a plazos una flor natural
como las que le dan a Pemán algunas veces.