30/6/17

Despedida do alumnado de 6º curso de Primaria

Nun acto que tivo lugar o xoves, 22 de xuño, no Salón de Actos do colexio e organizado polas nais, o alumnado de 6º curso despediuse do profesorado cunhas palabras  moi emocionantes para todos os presentes. 
A petición das familias deixamos no blog este pequeno vídeo para que lles sirva de recordo do seu paso polo colexio de Celeiro.
Moita sorte a todas e todos!

25/6/17

III MILLA CORRENDO POLO GALEGO

O venres, 23 de xuño, último día do curso, todo o colexio trasladámonos ao Pavillón Municipal de O Cembedo para levar a cabo esta actividade tan esperada por todos nós.
 “Non é grande aquel que nunca falla, senon aquel que non se da por vencido”

Participan: ASOCIACIÓN ASPANANE
                  CEIP ANTONIO PEDROSA LATAS
                  PAIS/NAIS DE ALUMNOS/AS
Colaboran: ANPA DO CEIP ANTONIO PEDROSA LATAS
                   CONCELLO DE VIVEIRO
Organiza: CEIP ANTONIO PEDROSA LATAS

Xornada deportiva de integración e valoración social que contou coa participación de atletas divididos en diferentes categorías. 
  • Categoría chupetín (non competitiva): unha volta ao circuito pequeno (180 metros) 
  • Categoría prebenxamín: unha volta e media ao circuito pequeno (270 metros)  
  • Categoría benxamín: unha volta e media ao circuito grande ( 570 metros) 
  • Categoría alevín: dúas voltas e media ao circuito grande (949 metros) 
  • Categoría Absoluta: tres voltas e media ao circuito grande (1.328 metros) 
  • Entrega de medallas e diplomas ao finalizar. 

VÍDEO RESUMEN DAS CARREIRAS E ENTREGA DE MEDALLAS

24/6/17

Remate do Obradoiro de Teatro Escolar



Na mañá do xoves 22 de xuño, os nenos e nenas que participaron no Obradoiro de Teatro Escolar dirixido polo mestre Vicente Míguez Salgueiro, puxeron en escea a obra de teatro:

TELEINVASIÓN

A obra fai un repaso polos programas da tele de maior actualidade. Unha visión divertida que alumn@s de 3º, 4º, 5º e 6º representaron en seis actos: Pasapalá, Telexornal de novas vellas, Mira quen cociña, miña madriña, Coleimpiadas 2017, A Revista Xa Vale, Despacito e Vaia trola: Naseiro!
Como vén sendo característica do teatro escolar, dende o curso 1992-1993 que iniciou a súa andaina no noso colexio, as obras reivindican tres aspectos: didáctico, valores humanos e humor.
No mes de setembro estas magníficas actrices e actores escenificarán a obra para os pais na Casa do Forno.
O vindeiro curso continuaremos ensaiando de outubro a xuño e van 25 anos, un cuarto de século con Teatro Escolar no Colexio de Celeiro!

21/6/17

Tres acontecementos no remate do curso

Hoxe mércores, 21 de xuño, no comezo do verán,  tivemos tres actividades moi importantes no colexio.
  • Recollida das tapas e tapóns recollidos no centro a través das familias. Moitas grazas pola vosa colaboración.




  • Entrega dos carnnés de CIBEREXPERT@ por parte da Policía Nacional ao alumnado de 6º curso, despois de ter aprobado un programa que lles ensinou os riscos da internet e das RRSS.  Na entrega estiveron presentes a Directora do Centro, Rita Lamas Álvarez; o Inspector Xefe en funcións da Comisaría de Policía de Viveiro, Manuel Borrajo Iglesias; o delegado de Participación Ciudadana da Comisaría de Policía de Viveiro, Pablo Rodríguez González e a Delegada Territorial de Educación da Xunta de Galicia, Mª del Carmen Gueimunde González.
  • Representación da obra de teatro "O fotógrafo Sisebuto fai fotos nun minuto", a cargo do alumnado de 6º curso baixo a dirección do seu titor Antonio Ferreiro. Fixeron unha magnífica actuación. Todos os actores e actrices foron moi profesionais e estiveron moi metidos no seu papel, ademais tiveron un público moi entregado, disfrutando e aplaudindo a magnífica posta en escea. NORABOA A TOD@S.

Un novo libro de poesía infantil







Chafarís é o nome do novo libro de poesía infantil que publica, a través de Edicións Embora, o escritor viveirense Xoán Neira.

A presentación tivo lugar o pasado martes, 20 de xuño, no Salón de Usos Múltiples do concello de Viveiro. No acto participaron, ademais do autor, o presidente do Seminatio de Estudos Terra de Viveiro e Cronista Oficial, Carlos Nuevo o mestre e escritor, Vicente Míguez e Miguel Toval representando á editorial; ao finalizar o acto actuou o coro do colexio Lois Tobío dirixido por Manuel Rodríguez.
No audio podemos escoitar ao autor.

20/6/17

Graduación do alumnado de 6º Infantil

Na mañá do luns, 19 de xuño, na Biblioteca do Centro levamos a cabo a graduación dos "maiores" de Infantil.
Foi un día moi emotivo no que todo o persoal que os acompañamos estes anos volvemos a vista atrás e  recordámolos nos primeiros días de cole e como foron medrando, aprendendo e facéndose grupo.
Este acto tivo varias partes:
  • Agradecemento por parte do alumnado a todo o profesorado e persoal non docente, cunha entrega de  debuxos e dedicatoria especial.
  • Visualización dun vídeo resumen dos tres anos en Infantil.
  • Entrega de orla e diplomas.
  • Entrega dunha fermosa sorpresa para a titora Maricarmen en forma de libriño.
  • Canción "Todos somos capitáns".
  • Poema de despedida e agradecementos.
PODEMOS VER TODOS OS VÍDEOS  NO 

19/6/17

Xogos Tradicionais no colexio

No seguinte enlace podedes ver os resultados finais dos Xogos Populares deste curso e un pequeno vídeo.

https://sites.google.com/site/aplxogospopulares/curso-2016-2017

17/6/17

Actividades de fin de curso organizadas pola ANPA do colexio

Xa estamos rematando o curso e por iso as actividades culturais van tomando forza no noso colexio e a ANPA e a organizadora das mesmas.
  • O pasado martes, 13 de xuño, todo o alumnado do colexio tivo a oportunidade de asistir ao Teatro Pastor Díaz de Viveiro a unha dobre sesión de espectáculo que combinou o teatro, a música e humor.   
Os tres tenedores foron os encargados de poñer en escea os espectáculos: "Cocido Express" e "O pobre Tom".

  •  o venres, 16 de xuño, no colexio poidemos disfrutar dunha sesión de maxia moi especial a cargo do MAGO KIKO CARROLO. Foi todo un éxito pois todo o alumnado e profesorado pasámolo estupendamente co humor e trucos de maxia do mago viveirés KIKO.



Dámoslles as grazas a ANPA pola colaboración co colexio, pola organización de actividades ao logo do curso e en especial por estas dúas actividades culturais que tanto éxito tiveron entre o noso alumnado.

16/6/17

Remate do curso do alumnado colaborador da Biblioteca

ALUMNAS E ALUMNOS DE 6º CURSO
O xoves, 15 de xuño, o alumnado colaborador da Biblioteca rematou o seu traballo como volutarios e colaboradores nas tarefas  que se comprometeron a cumplir durante o curso.
Nun acto de agradecemento recibiron un diploma que os acredita como  axudantes da Biblioteca.

MOITAS GRAZAS POLA VOSA COLABORACIÓN 
E ANIMÁVOSMOS A SEGUIR NESTA TAREFA NO IES.

15/6/17

Dous novos premios no colexio

O alumnnado de 6º de Infantil coa súa titora, Maricarmen Lázaro e a alumna de 5º curso, Inés Cachón, acadaron o 1º e 3º premio respectivamente no
https://www.facebook.com/festadamerluzadeceleiro/Este concurso ten como obxectivo facer partícipes da Festa a toda a poboación infantil de Celeiro, do Concello de Viveiro, e por extensión de toda Galicia e España.
O noso centro sempre participa neste concurso acadando premios moi meritorios e así este ano hai que felicitar a todo o alumnado de 6º de Infantil e a súa mestra Maricarmen por ese 1º premio así como a Inés Cachón polo seu 3º premio.  

NORABOA POLO VOSO TRABALLO BEN FEITO!
ACTO DA ENTREGA DOS PREMIOS
O traballo ou cartel que presentou o alumnado de 6º curso está basado nunha foto antiga de Celeiro onde se pode observar as casas, a praia, os barcos... e como primeiro plano ás mulleres coas cestas na cabeza cargando o peixe que pescaron os homes no mar. 
É unha homenaxe ao importante rol da muller no mundo do mar.


Cartel de Inés Cachón Oulego, alumna de 5º de Primaria e que levou o 3º Premio do V Concurso Infantil de debuxo festa da merluza do pincho de Celeiro.

9/6/17

Xornada de iniciación ao Surf

Na mañá do xoves, 8 de xuño, o alumnado de 5º e 6º curso, xunto cos profesores Eva, Paco, Virginia e a coidadora Esther, tiveron unha xornada de iniciación ao surf coa VIVEIRO SURF ESCOLA, na praia de Esteiro (o Barqueiro).
Esta actividade está enmarcada como complemento das actividades programadas na área de Educación Física, dentro da unidade de Actividades na Natureza.
Foi unha experiencia inolvidable, divertida e moi formativa. Seguro que repetiremos!



8/6/17

Programa de Sensibilización na Comunidade Educativa

O noso centro acaba de rematar a participación no  
Programa de Sensibilización na Comunidade Educativa
EU=QUE TI
que promove ASPANANE
https://www.aspanane.org/#inicio
Asociación de nen@s e adolescentes con necesidades especiais
Este Programa ten como obxectivos mellorar as posibilidades dunha inclusión real das persoas con discapacidade na comunidade. Pretende achegar o coñecemento da discapacidade á comunidade educativa (Infantil e Primaria) contribuíndo, con ela, no fomento de actitudes e valores como a solidariedade, o respecto e o apoio mutuo.
Participan no programa:
  • Encargada: Isabel Otero Rodríguez
  • Usuarios e usuarias: José Manuel Vázquez , Mª José Rivas, Sara Breijo, Luis Tiagonce, Oliva Ferro , Fran Serantes, Belinda Parapar, Fernando Lamelas, Ángeles Pérez.
A través de Unidades Dicácticas levan actividades prácticas nas que o alumnado, a través de diferentes dinámicas e de maneira activa, acadará un maior coñecemento e empatía cara as persoas con discapacidade. 
Cinefórum. A través de diferentes vídeos preténdese que o grupo reflexione e interiorice as vivencias dunhas realidades e actitudes proxectadas neles.
A acollida do Programa por parte do noso alumnado está sendo excepcional, participan activamente das actividades e amósanse curiosos ante as preguntas e retos que se lles plantexan.
Sorprende a empatía e os lazos que se crean  cos usuarios e usuarios de ASPANANE.
Queremos agradecer a todo o colectivo da Asociación a labor que está a facer no noso Centro con todo o noso alumnado e profesorado e animalos a que sigan transmitindo os valores que tanto se precisan nestes tempos.





7/6/17

Un novo traballo sobre o Impresionismo

O alumnado de 5º curso presenta este libriño que recolle  o aprendido sobre o Impresionismo, Proxecto Documental sobre o que estivemos traballando durante este curso.



6/6/17

Excursión Fin de Curso do alumnado de 1º e 2º curso

O luns, 5 de xuño, os nenos e nenas de 1º e 2º curso, xunto coas súas mestras Maricarmen e Angélica, realizaron a súa viaxe de fin de Curso a Marcelle.
O parque atópase nunha contorna natural, pertence á Reserva da Biosfera Terras do Miño, é un zoo pequeno. Atopamos monos, osos, avestruces, lobos, bisontes, cebras, tartarugas, cabras, etc,


5/6/17

Que ben o pasamos na Festa de Voz Natura!

Pero nos aínda estamos a disfrutar recordando o pasado sábado, 3 de xuño, día da FESTA DE VOZ NATURA, nela poidemos ver a gran exposición de traballos dos diferentes colexios, participar nos diferentes obradoiros que había ao longo do parque Acea de Ama, xogar no parque cos hinchables, en xeral disfrutar do ambiente de coordialidade e gran convivencia dos centros participantes...
Foi un día moi especial! no que tamén hai que felicitar a todo o equipo de VOZ NATURA pola extraordinaria organización e éxito de participación na 20ª edición desta gran xuntanza en pro do coidado do noso medioambiente.
No seguinte vídeo podemos ver un pequeno resumo

Coñecendo o IES María Sarmiento

O pasado venres, 2 de xuño, o alumnado de 6º curso de Primaria visitou o IES María Sarmiento de Viveiro nunha xornada de portas abertas e convivencia xunto co CEIP do Vicedo e o CEIP Santa Rita de Galdo.
Coñeceron as instalacións, fixeron xogos e compartiron unha pequena merenda...
Xa están preparados para pasar á seguinte etapa. Moita sorte!




2/6/17

Actividade Extraescolar de Pintura

Xa rematou por este curso a Actividade Extraescolar de Pintura impartida pola pintora,
Oliva Díaz Mejuto
Que se fai nesta actividade?
Trabállanse fundamentos básicos do debuxo: observar, comparar, como empezar un debuxo, entrenamento con trazos, superficies con textura, formas, exercicios de contornos continuos... 
Estudamos a paleta cromática e o uso da cor partindo das cores primarias.
Estudamos aos grandes maestros da pintura por medio de libros e contos para logo plamar o aprendido nun debuxo.
Con "El pequeño Dalí y el camino hacia los sueños", descubrimos ao xenio Salvador Dalí e con el o surrealismo.
Con "Los colores del mago", xogamos coa maxia da cor e as mezclas.
Con "Un cuadro de Picasso", estudamos o cadro do Guernica a fondo, exploramos cada parte do cadro e o seu significado; tamén descubrimos ao gran Pablo Picasso e o Cubismo.
Facemos unha visita polo Museo do Prado da man da Princesa Margarita que se escapa de "Las Meninas de Velázquez" para vivir unha aventura con nós.
Ademáis de debuxar, tamén nos queda tempo para xogar a Pasapalabra e practicar todo o aprendido.
Apunte da profesora:
É moi importante fomentar e introducir aos nenos no mundo da arte en edades temperás, que a descubran partindo da súa creatividade e sempre desde o mundo do xogo e o divertimento, nunca como unha actividade imposta, interactuando con outras expresións artísticas: a música, o teatro...



31/5/17

Charlas informativas: Ciberexpert@


Novamente o delegado de Participación Ciudadana da Comisaría de Policía de Viveiro, Pablo Rodríguez González, está no noso centro co alumnado de 6º curso desenvolvendo o programa que ensina aos menores os riscos da internet e das RRSS. :

http://www.ciberexperto.org/ciberexpert/

Contido do programa:
Os alumnos e alumnas que realizan o curso de Ciberexpert@ reciben cinco horas de formación sobre temas como ciberacoso, grooming, sexting, suplantación de identidade, comunidades perigosas, acceso a contido inapropiado, xestión da privacidade e identidade dixital, netiqueta e mediación parental.

Participación activa

Os alumnos e alumnas teñen unha participación activa no curso. De feito participan en debates sobre supostos prácticos e realizan un exame final ao termo das clases que, no caso de ser superado, condúcelles á recepción dun carné acreditativo dos coñecementos adquiridos.

30/5/17

Festa Voz Natura

Esta fin de semana temos unha cita na FESTA VOZ NATURA, no parque de Acea de Ama, en Culleredo. Alí recolleremos o premio ao MELLOR BLOG. Tamén recordamos que estamos a participar no Concurso de Vídeos e as votación rematan o mércores, 31 de maio; neste momento estamos dentro dos 5 finalistas. Animámosvos a seguir votando!

Fai cinco anos nestas datas tamén recibimos unha gran noticia para o noso colexio, levamos o Premio Provincial VOZ NATURA polo proxecto “Xogando a reforestar”.

NESTE ENLACE PODEMOS VER MÁIS INFORMACIÓN

 

29/5/17

Viaxe Fin de Curso de 5º e 6º de Primaria

O alumnada de 5º e 6º curso, xunto coa profesora Virginia e o profesor Paco, fixeron a viaxe de fin de curso os días 24, 25 e 26 de maio. Foi unha excursión moi ben planificada na que poideron visitar moitos lugares de interese e onde o pasamos estupendamente.


22/5/17

Vídeo VOZ NATURA

Como xa informamos anteriormente, estamos a participar no concurso de vídeos medioambientais que convoca VOZ NATURA, e que se leva a cabo a través do facebook.
Facilitámosvos aquí o enlace por si queredes votar e compartir.


Este é o vídeo:
A base do mesmo é unha canción que vai contando todo o que se fixo no noso colexio para mellorar o Medio Ambiente e as actividades nas que traballamos para educar ao noso alumnado.
Recompilamos fotos antigas para amosar como era o entorno ao rematar as obras do colexio no ano 1986 e fotos actuais. Tamén hai fotos  do alumnado que foi pasando polo colexio e vídeos do alumnado actual: Infantil e Primaria.
  • A letra da canción foi escrita pola mestra Cristina Freán Lamela.
  • A música e a base instrumental creouna o exalumno Pedro Rodríguez Pérez.
  • A coreografía ensaiouna a mestra de Educación física Eva Martínez.
  • E todo o alumnado aprendeu a canción na aula de Música coa mestra Marta Pérez.

21/5/17

Máis traballos para as Letras Galegas

 "A PALABRA TEN VIDA"
Este é o título dunha fermosa canción de Brinca Vai que recolle os nomes de grandes autores da literatura galega, por elo pareceunos moi apropiada para empregala neste vídeo homenaxe á nosa lingua. 
Dende o Departamento de Normalización Lingüística propúxose esta actividade na que recompilamos palabras do noso idioma que pola súa sonoridade, o seu significado ou calquera outro motivo nos gustan especialmente. 
Moitas grazas pola vosa colaboración.

19/5/17

Contacontos na Bibliosoños

  • Venres, 19 de maio. Proxecto Interxeracional Fundación ABANCA
    • Ás 10:00 horas, na Biblioteca do Centro, para o alumnado de Infantil e 1º curso.
    • Narración do conto A GALIÑA AZUL, con apoio de láminas, a cargo dos voluntarios  Espazos+ 60 de Viveiro.
Moitas grazas á Fundación ABANCA e aos voluntarios que participaron na narración do conto.


18/5/17

Hoxe celebramos a Festa do Maio e das Letras Galegas

Durante a mañá do xoves, 18 de maio, fixemos moitas actividades para celebrar estas festas tan importantes para nós:
  • Exposición de instrumentos e traxes tradicionais galegos
  • Pasarrúas dende a Praza do Chao ata o colexio dos grupos invitados (Grupo de Gaitas "Non cho digo" e os grupos de Pandereteiras "Os do 21" e "Valdeflores") 
  • Dentro do recinto do colexio  actuación dos grupos invitados.
  • Cantamos a canción do MAIO.
  • A partir das 12:30 horas, no Salón de Actos:
Semblanza do autor, a cargo do alumnado de 5º curso
Dramatización A GALIÑA AZUL, a cargo do alumnado de 6º curso

Cantamos o HIMNO GALEGO

 NOS SEGUINTES VÍDEOS PODEMOS VER UN RESUMO

 


15/5/17

O CEIP Antonio Pedrosa Latas, premio ao mellor blogue VOZ NATURA



http://blogs.voznatura.es/ceipapedrosa/
O caderno dixital do CEIP Antonio Pedrosa Latas, colexio incluído en Naturacción (subprograma de Voz Natura patrocinado pola Fundación Alcoa e en colaboración coa Consellería de Educación), é a bitácora gañadora do premio a mellor blogue do programa Voz Natura no seu 20º aniversario. O xurado seleccionouno como exemplo de como un caderno dixital pode recompilar todas as actividades de Educación Ambiental desenvolvidas nun centro, integrando as distintas áreas curriculares, departamentos e accións que involucran a toda a comunidade escolar.

Para toda a comunidade educativa do noso colexio é unha noticia moi importante e que agradecemos ao programa Voz Natura.

O blogue comeza a súa andaina no mes de maio de 2009, despois de recibir un curso de formación a través do programa Voz Natura, e vimos que era un medio moi interesante para poder amosar todo o traballo e actividades que levamos a cabo relacionadas coa Educación Ambiental.

Ao longo de moitos anos o profesorado, alumnado, persoal non decente, ANPA e Institucións traballamos para conseguir un entorno respetuoso co Medio Ambiente e agradable para podelo disfrutar día a día. Por iso este premio vai dirixido a toda a Comunidade Educativa e será un aliciente para seguir traballando.

13/5/17

Díptico sobre Carlos Casares

CLICA NA IMAXE PARA VER TODAS AS NOSAS ACTIVIDADES NAS LETRAS GALEGAS
https://sites.google.com/site/carloscasares2017letrasgalegas/as-nosas-actividades

12/5/17

Todo sobre o Proxecto da MICRORREDE PLAMBE A MARIÑA

Nesta páxina podemos ver todo o relacionado co proxecto da Microrrede PLAMBE A AMARIÑA deste curso:
"A MARIÑA CON MOITA ARTE"
Clina na imaxe 
https://sites.google.com/site/plamblaamarina/a-literatura-nas-artes-da-marina

10/5/17

Excursión de 3º e 4º curso

O martes, 9 de maio, o alumnado de 3º e 4º curso, xuntos coas súas titoras Rosa e Xulia, viaxaron ata Narón para visitar o Parque Temático "ALDEA NOVA" onde participaron en diferentes talleres:
  • Astronomía: Proxección o planetario.
  • Ciencia divertida: Experimentos de física e química.
  • Achegamento á bioloxía: Traballos con microscopios, terrario...
  • Cultura Castrexa con xogos de rol.
No seguinte vídeo podemos ver as fotos da súa viaxe.

9/5/17

Participamos no Correlingua 2017

http://www.lavozdegalicia.es/album/amarina/2017/05/09/correlingua/01101494329574646663988.htm
CLICA NA IMAXE PARA VER AS FOTOS PUBLICADAS NA VOZ DE GALICA

NOTICIA  DO XORNAL "LA VOZ DE GALICIA"
O tempo primaveral axudou a que o Correlingua batera este ano récord de participación na Mariña, contando nesta edición con máis de dous mil alumnos da comarca paso a paso ou correndo en Viveiro baixo o lema "En galego, sen cancelas". Moita xente nova arroupando o seu idioma e dándolle máis vida en tempos difíciles nos que as estatísticas constatan a perda de galegofalantes. De aí a importancia dunha cita como o Correlingua, baixo a organización de CIG-Ensino, a Asociación Socio-Pedagóxica Galega e a Mesa pola Normalización Lingüística, coa colaboración na cita mariñá do Concello de Viveiro.

Nenos e adolescentes, xeracións de diferentes idades, compartiron espazo na cidade do Landro nunha mañá do máis reivindicativa, os máis pequenos dando un paseo dende a zona do pavillón deportivo ata a Praza Maior onde os agardaba Cé Orquestra Pantasma para entretelos e facerlles bailar e os máis grandes correndo. A festa final contou coa coñecida actriz galega Isabel Risco de presentadora do evento que tamén deu a coñecer máis talentos, como as animacións musicais do IES de Foz. Un dos grupos gañadores do concurso Cantalingua e Alberto Sobrado puxeron a nota musical da xornada, na que a lectura do manifesto correu a cargo de alumnos do CEP Lois Tobío de Viveiro.

Participantes na carreira do CORRELINGUA, quedando gañadores en 1º e 2º lugar da súa categoría:
David Rego e Lucas Fanego.

8/5/17

Xa estamos no MES DAS LETRAS GALEGAS

Moitas e variadas actividades temos programadas para celebrar o mes das Letras Galegas, todos elas podemos seguilas nesta páxina especial que atoparedes na marxe dereita:  LETRAS GALEGAS

https://sites.google.com/site/carloscasares2017letrasgalegas/home




Día da Inauguración "A Mariña con moita arte"

Na tarde do luns, 8 de maio, fixemos a inauguración da Exposición colectiva da Microrrede PLAMBE A MARIÑA.
As coordinadoras do CEIP Vista Alegre de Burela e o IES María Sarmiento de Viveiro; Nazaret e Susana, foron as encargadas da lectura inaugural e exercendo de Mestras de Ceremoria.
A continuación un coro formado polo alumnado de Infantil e 1º e 2º curso dos centros EEI San Roque de Viveiro, CEIP Pedrosa Latas de Celeiro e CEIP de Alfoz cantaron unha Regueifa a Maruja Mallo (letra de Rocío Fernández) e a cantiga popular Catro vellos mariñeiros.
Posteriormente os asistentes poideron contemplar os traballos expostos nas Salas de Exposicións da Biblioteca e do Concello.

Noticias na Prensa:

LA VOZ DE GALICIA

EL PROGRESO

6/5/17

Montaxe da Exposición "A Mariña con Moita Arte"

Na tarde do venres, 5 de maio, os traballos das Bibliotecas Escolares dos Centros da Mariña formaron parte dunha exposición conxunta que se instalou na Sala de Usos Múltiples e na Biblioteca do Concello de Viveiro.
As coordinadoras e equipos docentes montaron os seus  respectivos traballos e todos xuntos formaron un gran  TERRITORIO DAS ARTES.


5/5/17

Charla informativa sobre riscos na internet e redes sociais

O alumnado de 5º curso de primaria tivo a oportunidade de contar coa visita do delegado de Participación Ciudadana da Comisaría de Policía de Viveiro, Pablo Rodríguez González, ofrecendo unha charla sobre os riscos asociados ás novas tecnoloxías e ao uso de redes sociais da internet, dentro do Plan Director.
O ciberacoso «é a ferramenta grupal máis poderosa para executar o acoso escolar e maniféstase con mensaxes insultantes, humillantes e crueis, con ameazas, suplantando a identidade doutros compañeiros para danar a súa reputación ou amizades, revelando secretos, informacións ou fotos comprometidas ou privadas, ou excluíndo intencionadamente a compañeiros de grupos «online».

4/5/17

Función de Teatro no Pastor Díaz

O alumnado de 6º de Infantil, 1º e 2º de Primaria acudiron ao Teatro Pastor Díaz de Viveiro para asistir á función "A NENA QUE QUERÍA NAVEGAR" de Redrum Produccións.

Guillermo Carbajo e Laura Míguez 
son os protagonistas

Unha comedia  na que a través de técnicas de reforzo positivo e para mellorar a autoestima dos nenos e nenas preséntase unha historia contra o acoso escolar.
A protagonista é unha nena que, farta de ser o centro das mofas dos seus compañeiros, vaise da escola coa intención de non volver. 
Na súa aventura atópase co Xeadeiro, un ser máxico e vital que a base de contos, xogos e cancións lle devolve a autoestima.


3/5/17

Microrrede PLAMBE A Mariña

Xa temos case rematada a Exposición do Proxecto deste curso: A MARIÑA CON MOITA ARTE.
Os traballos propostos para facer en familia consistiron:
  • Elaboración dun cadro sobre unha paisaxe do Porto de Celeiro, en formato quebracabezas. Cada nena e neno levou un anaco  que pintou con témperas, e entre todos e todas montamos este gran cadro que nos IMPRESIONOU MOITO.



  • Como traballo literario propuxemos crear ou reproducir algún texto e que decoraron libremente.







  • Queremos felicitar e agradecer a participación das familias, dado que sin elas esta actividade non sería posible. Tamén damos as grazas ao persoal non docente do colexio pola súa colaboración para que o resultado final fose o que podemos ver no seguinte vídeo.

28/4/17

"Aquel Celeiro", visita de Laureano Míguez a aula de 5º curso



O xoves, 27 de abril,  visitounos un antigo mariñeiro, Laureano Míguez, que nos contou como era a vida do Celeiro de antes, dos anos 30 ata a actualidade.
Non podíamos imaxinar que con nove anos xa comezaban a faenar no mar: eran os chamados nenos boteiros que axudaban aos mariñeiros cando chegaban coas embarcacións a terra, vixiando da lancha, levándolles auga abordo, lavando nos botes…
Daquela case non ían á escola debido a que tiñan que atender a estes traballos, ademais de axudar á familia nos labores do campo ou ir por leña ao monte.
Con apoio dunha serie de fotografías, Laureano foi contándonos os cambios na paisaxe mareira de Celeiro; era máis natural e preciosa antes. Tamén vimos como foron modernizándose as embarcacións, e falounos da época do chicharrón, que o salgaban en tinas como os porcos e logo comíanno todo o ano, incluso de almorzo.
Os alumnos e alumnas tiñan moi ben preparado o tema e fixéronlle a Laureano moitas preguntas interesantes.